LES GETS 2027

Dewch i'r Alpau gyda Pellennig

Sgïo. Eirafyrddio. Mynyddoedd. Cwmni da.

Ydych chi wedi bod eisiau rhoi cynnig ar sgïo neu eirafyrddio, neu ddychwelyd i'r mynyddoedd am wythnos o hwyl?

Yn 2027, mae Pellennig, mewn partneriaeth â Menter Iaith Conwy, yn trefnu dwy daith i Les Gets yn yr Alpau Ffrainc.

Dewiswch eich wythnos:

16–23 Ionawr 2027
neu
20–27 Mawrth 2027

£350 y pen

Llety am 7 noson.

Gallwn hefyd eich helpu i drefnu'r gweddill – o wersi a phàs sgïo i logi offer a theithio.

Cliciwch i Archebu

Ardal Les Gets

Les Gets

Un o gyrchfannau sgïo mwyaf adnabyddus yr Alpau

Mae Les Gets yn bentref mynyddig traddodiadol yn rhanbarth Portes du Soleil, gyda mynediad at rwydwaith enfawr o lethrau a llwybrau sgïo. 650km o lethrau sgio. Yn cynnwys 12 'resort' yn croesi dwy wlad, Ffrainc a Swistir.

Mae'n gyrchfan sy'n addas ar gyfer ystod eang o alluoedd – o ddechreuwyr sy'n cymryd eu camau cyntaf ar yr eira i sgïwyr ac eirafyrddwyr profiadol.

Ond nid sgïo yn unig sy'n gwneud yr wythnos.

Mynyddoedd. Eira. Bwyd. Apres-ski. Antur. A chwmni da.

PAM TEITHIO GYDA PELLENNIG?

Taith gyda phobl o Gymru

Rydyn ni eisiau creu mwy na gwyliau sgïo.

Mae'n gyfle i ddod at ein gilydd, mwynhau'r mynyddoedd a chael wythnos o hwyl mewn awyrgylch Gymreig a Ffrengig.

Sgïo ac eirafyrddio

P'un ai dyma'ch tro cyntaf neu eich bod wedi bod ar y llethrau ers blynyddoedd, mae croeso i chi.

Partneriaeth â Menter Iaith Conwy

Mae Pellennig yn gweithio mewn partneriaeth â Menter Iaith Conwy i ddatblygu'r teithiau hyn a chreu cyfleoedd i ddefnyddio'r Gymraeg mewn amgylchedd newydd ac anturus.

Cymorth cyn ac yn ystod y daith

Does dim rhaid i chi weithio popeth allan eich hun.

Gall Pellennig helpu gyda threfnu:

gwersi sgïo neu eirafyrddio
pàs sgïo
offer sgïo ac eirafyrddio
gwybodaeth am Les Gets
teithio

Mi fydd staff Pellennig yn Les Gets gyda chi i helpu gyda pob dim.

Pam Pellennig

Costau

£350 Y PEN

Beth sydd wedi'i gynnwys?

Mae'r pris o £350 y pen yn cynnwys:

✓ 7 noson o lety
✓ Taith gyda Pellennig

✓ Spa Moethus
✓ Partneriaeth â Menter Iaith Conwy
✓ Cymorth cyn ac yn ystod y daith
✓ Cyfle i ymuno â gweithgareddau Pellennig

Beth sydd ddim wedi'i gynnwys?

✗ Teithio i ac o Les Gets
✗ Pàs sgïo
✗ Gwersi
✗ Llogi offer
✗ Bwyd a diod
✗ Yswiriant teithio

Gallwn eich helpu i drefnu'r elfennau hyn fel bod y broses mor syml â phosibl.

Y Llety a'r SPA

Cliciwch yma am wybodaeth ar gostau ychwanegol

Mwy o wybodaeth am y llety a spa

Teithio

TEITHIO I LES GETS

Gadewch i Nico Travel helpu

Ddim eisiau trefnu'r teithio eich hun?

Mae ein partner Nico Travel ar gael i helpu trefnu eich taith i Les Gets.

Byddwn yn darparu mwy o wybodaeth am yr opsiynau teithio wrth i'r daith agosáu.

Cliciwch am Nico Travel

Gwersi cyn mynd

NEWYDD I SGÏO NEU EIRAFFYRDDIO?

Dim problem.

Os nad ydych erioed wedi sgïo neu eirafyrddio o'r blaen, does dim angen poeni.

Cyn mynd i'r Alpau, bydd Pellennig yn cynnig cyfle i gymryd rhan mewn sesiynau sgïo ac eirafyrddio ar lethr sych Llandudno.

Mae hyn yn gyfle gwych i:

roi cynnig ar sgïo am y tro cyntaf
roi cynnig ar eirafyrddio
dysgu'r pethau sylfaenol
magu hyder cyn cyrraedd yr Alpau
cwrdd â phobl eraill sy'n mynd ar y daith

Rhowch gynnig ar yr eira cyn cyrraedd yr eira!

Cliciwch am wersi

Archebu

Dwy wythnos i ddewis ohonynt

TAITH 1

16–23 IONAWR 2027

Dechrau'r flwyddyn yn yr Alpau.

£350 y pen

TAITH 2

20–27 MAWRTH 2027

Diwedd tymor y gaeaf – dyddiau hirach, mwy o haul a'r mynyddoedd ar eu gorau.

Gwyliau Pasg

£350 y pen

Archebu

FAQ

Cliciwch isod i agor eim dogfen FAQ / Cwestiynnau Cyson

Cliciwch Yma

Costau Ychwanegol

Y COSTAU YCHWANEGOL

PÀS SGÏO

Mae sawl opsiwn ar gael, yn dibynnu ar eich gallu a faint o'r ardal rydych am ei defnyddio.

Ar gyfer gaeaf 2026/27, mae prisiau cyfredol yn cynnwys:

Les Gets–Morzine

1 diwrnod: tua £54
6 diwrnod: tua £300

Portes du Soleil

1 diwrnod: tua £65
6 diwrnod: tua £345

Mae opsiynau rhatach ar gael ar gyfer dechreuwyr, gan gynnwys y P'tite Glisse, sy'n rhoi mynediad i ran o ardal sgïo Les Gets.

Mae'r prisiau hyn yn seiliedig ar brisiau gaeaf 2026/27 ac yn gallu newid.

Gall Pellennig helpu i drefnu eich pàs sgïo cyn i chi deithio.

GWERSI SGÏO

Does dim rhaid i chi fod yn sgïwr profiadol.

Gallwn helpu i drefnu gwersi gyda'r ysgol sgïo leol yn Les Gets.

Er enghraifft, mae gwersi grŵp oedolion ESF ar gael o tua £194 am 5 neu 6 sesiwn, gyda gwersi yn y bore neu'r prynhawn yn dibynnu ar y lefel a'r wythnos.

Mae gwersi preifat sgïo neu eirafyrddio hefyd ar gael, gyda phrisiau o tua £53 yr awr ar gyfer 1–2 o bobl o'r un lefel, yn dibynnu ar yr amser.

EIRAFFYRDDIO

Mae ESF Les Gets hefyd yn cynnig gwersi eirafyrddio grŵp, gyda chyrsiau 6 diwrnod o tua €194.

Gall Pellennig helpu i drefnu'r opsiwn sy'n gweddu orau i chi.

LLOGI OFFER

Os nad oes gennych eich offer eich hun, gallwch logi:

Sgïau
Esgidiau sgïo
Polion
Bwrdd eirafyrddio
Esgidiau eirafyrddio
Helmed
Offer ychwanegol

Mae nifer o gwmnïau llogi offer yn gweithredu yn Les Gets.

Bydd Pellennig yn gallu helpu i drefnu llogi offer cyn i chi gyrraedd.

Bydd prisiau'n amrywio yn ôl:

lefel y sgïwr/eirafyrddiwr
math yr offer
hyd y llogi
a ydych yn dewis offer safonol neu offer perfformiad uwch.

Yn fras mi fedrwch chi asrchebu yr holl offer am tua £150 y person

TEITHIO

Nid yw teithio i Les Gets wedi'i gynnwys yn y pris o £350.

Ond does dim rhaid i chi drefnu popeth eich hun.

Mae ein partner Nico Travel ar gael i helpu gyda threfnu'r teithio, gan gynnwys opsiynau hedfan a throsglwyddiadau i Les Gets.

Bydd manylion a phrisiau teithio yn cael eu rhannu wrth i'r trefniadau gael eu cadarnhau.

ENGHRAIFFT O GYLLIDEB

I'ch helpu i gynllunio, dyma enghraifft fras o'r hyn y gallai wythnos gostio i oedolyn:

EitemCost fras

Llety Pellennig£350

Pàs sgïo 6 diwrnodtua £300–€345

Gwersio tua £194

Llogi offeryn dibynnu ar yr offer £150

Hedfanyn dibynnu ar y dyddiad £150 (Hyn yn dybynnu ar y dyddiadau)

Trosglwyddiadauyn dibynnu ar y trefniadau £50

Nid yw'r ffigurau uchod yn bris pecyn. Maent yn rhoi syniad o'r costau ychwanegol y dylid eu hystyried wrth gynllunio eich taith.

Bydd Pellennig yn helpu i wneud trefnu'r elfennau ychwanegol mor syml â phosibl.

EICH LLETY – FLEURS DES ALPES

Eich cartref yn Les Gets

Byddwn yn aros yn Fleurs des Alpes, chalet o fflatiau yn Les Gets.

Mae'r llety wedi'i gynllunio ar gyfer grwpiau, teuluoedd a ffrindiau, gyda 4 fflat hunanarlwyo sy'n gallu lletya rhwng 5 a 10 o bobl yr un.

Mae pob fflat wedi'i enwi ar ôl blodyn alpaidd – gan gynnwys:

🌸 Gentiane
🌸 Ancolie
🌸 Lys Martagon
🌸 Edelweiss
🌸 Arnica
🌸 Anemone
🌸 Rhododendron

Mae'r llety wedi'i yn Route des Granges, Les Gets

YR YSTAFELLOEDD A'R FFLATIAU

Mae'r fflatiau wedi'u dylunio i fod yn gartref cyfforddus i grwpiau o bobl sy'n dod i fwynhau'r mynyddoedd.

Yn dibynnu ar y fflat, mae'r llety'n cynnwys cyfuniad o:

Ystafelloedd gwely dwbl
Ystafelloedd twin
Gwelyau soffa
Cegin wedi'i chyfarparu
Ardal fwyta
Ystafelloedd ymolchi
Wi-Fi
Cyfleusterau ar gyfer golchi dillad
Lle storio sgïau ac offer

Mae'r union drefniant yn amrywio rhwng y fflatiau.

Byddwn yn cadarnhau eich fflat a'ch trefniadau ystafell cyn y daith.

Mae rhai fflatiau hefyd yn cynnwys offer fel peiriant golchi llestri, popty, microdon, oergell, peiriant coffi a raclette – felly mae modd coginio a bwyta gyda'ch gilydd yn y llety.

SPA – IE, MAE SPA!

Un o'r manteision gwych o aros yn Fleurs des Alpes yw bod gennych fynediad am ddim i SPA Hôtel Alpina, tua 900m o'r chalet.

Ar ôl diwrnod ar y llethrau, gallwch ymlacio yn y SPA 300m².

Mae'r cyfleusterau'n cynnwys:

Pwll dan do wedi'i gynhesu i 29°C
Pwll ymlacio 35°C
Jacuzzi 36°C
Sauna panoramig 85°C
Hammam 45°C
Ffynnon iâ
Cawod synhwyraidd
Ardal ymlacio gyda golygfeydd o'r mynyddoedd
Ystafell de

Mae'r SPA ar agor bob dydd rhwng 8am a 7pm, gyda'r sauna a'r hammam ar agor rhwng 3pm a 7pm.